Hoi du!

Kennsch du dä Jugendchor? Nei?
Dänn nimm der schnäll zwei Minutä Ziet zum duräläsä, dänn kennsch du üs nochhär bestimmt besser !

Mir stelläd üs vor: Mir sind für alli, wo dä Plausch am Singe händ und au gärn mol ihräs Chönä vor Publikum unter Bewies stelläd! Jedä Mittwuch, vo 13.00 bis 13.45 Uhr probäd mir im Mehrzweckrum vo dä Turnhallä Guntershusä. Dä Härr Bürge, üsä Leiter, tuet üs mit em Klavier musikalisch begleitä. Bi üs sind Lüt ab dä 1. Klass bis 100i willkommä!

Alli Mitsinger verdiänäd sich mit eifrigem Mitmachä äs schöns Jugendchor T-Shirt, wo a allnä Uftritt agleit wird. Singä tümer vo altä Ohrwürm bis hi zu neuä Hits us em Radio; halt eifach alles, wo Spass macht! Mir werdät au immer wieder für en Uftritt agfrogät. Das chan i dä Chirchä, am Guntiherbschtfescht oder sogar uf Hochziitä si. So hämmer au scho amänä Gsangswettbewerb mitgsungä. Jedäs Johr wird äs neus Gruppäföteli vo allnä aktuällä Mitglieder gmacht, wo als Adänkä jedem Sänger und jederä Sängerin abgeh wird.